updated 7:33 AM MST, Nov 17, 2017

Heeso dhagaysi ah








War-saxaafadeed kasoo baxay xafiiska Raiisul Wasaaraha Somalia Amaanka, waxbarashada iyo caafimaadka oo uu kaga hadley



MUQDISHO -Raiisul Wasaaraha xukuumadda federaalka ee Soomaaliya mudane Cabdi Faarax Shirdoon “ Saacid” ayaa maanta magaalada Muqdisho ka furay shir heer qaran ah oo ku saabsan  caafimaadka dalka Soomaaliya, Shirkan oo ah kii ugu horreeyey noociisa , ayaa waxaa ka soo qaybgalay qaar ka mid ah xubnaha golaha wasiiradda, gudoomiyaha gobolka Banaadir ahna duqa magaalada Muqdisho, wakiillo ka kala socday gobolada dalka, xirfadleyada caafimaadka Soomaaliya, wakiilada haydaha qaramada midoobey iyo marti sharaf kale.

Shirkan oo  saddex maalmood soconaya  ayaa looga arrinsanayaa midaynta arragtida xirfadlayaasha caafimaadka Soomaaliya, si caafimaadku uga qaybqaato dhismaha nabadda iyo dowladnimada Soomaaliya. Xirfadlayaal caafimaad oo gaaraya 270 qof  iyo ergo ka timid gudaha  iyo dibadda dalka oo gaaraysa 400 qof ayaa la filaya in muddada saddexda maalmood ah ay ku soo saaraan talooyin ku aadan dib-u-habaynta nidaamka caafimaadka Soomaaliya.

Wasiirka horumarinta adeegga bulshada  marwo Drs Maryam Qaasim Axmed ayaa sheegtay in caafimaadka iyo waxbarashada Soomaaliya aanay ahayn arrimo la siyaasadayn karo, balse loo baahan yahay in dhammaan dhinacyada Soomaalidu ay ka wada shaqeeyaan, islamarkaana ay shirkan ay goobjoog ka yihiin xubno ka kala socda dhammaan  gobolada dalka Soomaaliya, iyadoo sidoo kale Ra’iisul wasaaraha ku ammaantay hoggaamintiisa suuragelisay hirgelinta isbeddelada iyo shirarka laga qabtay dalka.

“ Markii aan xafiiska imi waxaan la dagaalanay dhaqankii xumaa ee muddadii 20-ka sano ahayd lagula dhaqmayey dalka Soomaaliya ee ka horjeeday dowladnimadeena, waxaan la fariistay hay’adaha beesha caalamka, waxanuna samaynay isla-xisaabtan. Inkastoo ay jiraan caqabado, hadana, waxaan muujinnay geesinimo, waxaana aragtidayadu tahay in qoys kasta oo Soomaaliyeed uu helo adeeg  caafimaad oo ku filan” sidaasi ayery tiri Drs Maryam Qaasim Axmed

Ra’iisul Wasaaraha xukuumadda federaalka ee Soomaaliya Mudanme Cabdi Faarax Shirdoon “ Saacid” oo hadal ka jeediyey shirka ayaa sheegay in shirkan uu yahay kii afraad ee heer qaran ah ee xukuumaddiisu qabato, waxana uu xusay in marka laga tago muhiimadda kowaad ee xilligan xaadirka ah  uu ammaanka  qaranka u leeyahay , in  caafimaadka iyo waxbarashadu  ay ugu jiraan kaalinta labaad”

“ Waxaan qabanay afar shir oo hore oo heer qaran ah , ujeedada aan u qabanayno shirarkan waxa weeye talada dalka waxaa nala wadaaga ummaadda Soomaaliyeed, annaguna waxaan nahay adeegayaashii dalka.Marka laga tago ammaanka xukuumaddaydu waxay muhiimad siisay adeegga bulshada, waxana dhawaan samayn doonaa in caafimaadka iyo waxbarashadu ay noqdaan wasaarado madaxbanaan” sidaasi ayuu yiri Ra’iisul wasaare Saacid.

Ra’iisul wasaare Cabdi Faarax Shirdoon ayaa tilmaamay in xirfadlayaasha caafimaadka Somaaliyeed ay kaalin weyn uga banana tahay  dib-u-dhiska Soomaaliya, isagoo balan qaaday in xukuumaddiisu ay si dhab ah u qaadanayso talooyinka shirka.

Shirkan oo ay soo agaasintay wasaaradda horumarinta adeegga bulshada ayaa ku soo beegmaya iyadoo isbeddelo horumarineed laga sameeyey dhinacyada siyaasadda,ammaanka iyo adeega bulshada Soomaaliya, islamarkaasina lagu jiro waqti dalku hiigsanayo horumar dhinacyo badan taabanaya.

—DHAMAAD—

  • Written by Abdullahi
  • Category: Wararka
  • Hits: 488

Mooshin Ka dhan ah Gudoomiyaha Wakiilada Somaliland oo Laga dhex wado Wakiilada

Masuuliyiiinta Xisbiga wadani oo ku Jahawareeray Siyaasada Hogaamineed ee Gudoomiyahooda

Hargeysa  (Waaheen) Guddomiyaha Golaha Wakiilada Somaliland Cabdiraxman Maxamed Cabdilaahi (Cirro) ayaa waxa la sheegaya in ay soo wajahaday Xaalad adag oo kaga timid Xukumada talada haysa iyo Xisbigiisa kuwaasi oo la damacsan Mooshino ka dhan ah Xilalka uu ka hayo Golaha Wakiilada iyo Xisbigiisa. Warar isa soo taraya ayaa waxay sheegayaan in Dufaan Siyaasadeed ay kaga kacday Golaha Wakiilada kuwaasi oo qaar

a mid ahi ay wadaan mooshin ka dhan ah oo ay doonayaan in ay xilka kaga qaadan, kadib markii ay ku eedeeyen in uu u ban baxay shir ka dhan ah Jiritaanka qaranimada Somaliland, shirkaasi oo ay sheegen in uu yahay mid dalka dib loogu celinayo Shirbeleedyo. Dhaqdhaqaaqa Xildhibanada Mooshinka wada ayaa la dareemaya in ay u Xadhko xidheen siddii ay uga faa’iideysan lahayeen fursadaha ku waajahan Guddomiyahood ee ah in uu ku baaqay shir uu ku sheegay Tallo qaran oo ay si wada jir ah u qabanaayaan Xisbigiisa iyo Xisbiga kale ee Mucaaridka ah, taasi oo ay xukumaduna Ganafka ku dhufatay shirkaasi kuna tilmaantay mid mijo xaabinaya Qaranimada Somaliland, waloow Xildhibaanda Golaha Wakiiladu ay ku jiraan Fasax.

 

Dhinaca kale Warar Hoose oonu ka helanay Ilo ku dhaw dhaw Xisbiga wadani ayaa waxay sheegayaan in maalmihii ugu danbaysa uu ka dhex socdo Guux iyo Dareen Shaki leh oo lagu diidanyahay Hogaaminta Gudoomiye ciro oo ay saluugsan yihiin Xubno badan oo ka mid ah Xisbigiisa iyagoo ku eedaynay in aanu lahayn Hogaamin lagu wada qanci karo oon la garanayn Siyaasadiisu dhinaca ay u jeedo iyo ciday la jirto.

 

Ku dhawaaqida Gudoomiyaha Golaha wakiiladu uu ku taageeray shirka qaran ee ay ku baaqeen labada xisbi Mucaarid ayaa dhanka kale waxa qaadacay shirkaasi Gudoomiyaha Golaha guurtida Somaliland saleebaan maxamuud aadan oo sheegay in shir qaran uu qaban karo oo kali ah madaxweynuhu, hadaba hadalada kala duwan ee labada Golle ka soo baxay ayaa jidka u xaadhaya khilaaf hor leh oo ka dhex dilaaca labada gole ee guurtida iyo wakiilada.

 

Gudoomiyaha Golaha wakiilada oo hore loogu xaman jiray inuu xidhiidh hoose la leeyahay xukuumada ayaa maalmihii ugu danbeyay la soo baxay siyaasad ka duwan tiisii hore isaga oo dhaliilo hor leh u jeediyay xukuumada gaar ahaan wasarada warfaafinta oo uu soo bandhigay lacag badan oo miisaniyad ahaan ay u qadato balse wakhtiyadii hore uu indhaha ka qarsan jiray arrimahan uu imika soo bandhigay dhaliilahan uu xukuumada u jeedinayo iyo Shirarkan aan sharcinimadooda laysku khilaafsan yahay ka qayb galkood ayaa waxay muujinaysaa in dhaliilo badan oo xisbigiisa kaga imanayay oo ahaa inuu mucaaridnimada muujiyo uu haatan aqabalay taasoo uu filayo inuu kaga badbaado guuxa badan ee xisbigiisa ka jira ee aan ahayn mid isaga si gaar ah uga timid.

  • Written by Abdullahi
  • Category: Wararka
  • Hits: 444

Kenya Airways oo Somaliland ka bilaabidoonta duulimaadyo

Wefti ka socda Kenya airways ayaa goor dhaweyd Ka soo degay madaatka Hargeysa halkaas oo ay ku soo dhaweeyeen wasiiro, xildhibaano, iyo saraakiil kale oo ka tirsan xukuumadda.

Saraakiisha kenya airways ayaa sheegay in ay dalka u yimaadeen Sidii ay diyaaradoodu duulimaadyo uga bilaabi lahayd somaliland, waxaanay Xuseen hore in ay dhabada cusub ee madaarka ugu qanceen.

Wasiirka wasaaradda duulista hawada, Wasiirka qorshaynta, Wasiir kuxigeenka Arrimaha dibeda ayaa weftiga uga mahadnaqay booqashadooda, waxaanay u sheegeen

Duulimaadyada shirkadda Kenya airways ayaa noqon doona duulimaadyadii labaad ee ay diyaaradaha dalalka gobolku si toosa ugu yimaadaan somaliland, iyadoo diyaarada itoobiya airline si joogto ah maalin kasta ugu timaado somaliland.

Si doo kale, duulimaadka Kenya airways waxa uu ka qayb qaadan doonaa talaabooyinka somaliland u soo jiidaya in ay hesho xidhiidh caalami ah, waxaanay talaabadani ku soo beegmaysaa xilli ay dawladda somaliya doonayso in caqabad hor dhigto duulimaadyada waaweyn ee la macaamila somaliland.-waaheen

  • Written by Abdullahi
  • Category: Wararka
  • Hits: 540

Warkii Somalichannel 06.11.13

Halkan ka daawo warkii oo dhan

  • Written by Abdullahi
  • Category: Wararka
  • Hits: 525

Wasiirka Daakhiliga Somaliland oo Axsaabta mucaaridka uga digay inay qabtaan Shirwaynaha Qaran ee ay ku dhawaaqeen

 “Madaxweynaha Ayaa Xaq U Leh In Uu Qabto Shirweyne Qaran, Lakiin Xisbiyada Mucaaridka Ahna Waxaanu Jecelnahay In Aanu U Yeedhno”

HARGAYSA - Wasiirka Arrimaha Gudaha ee Somaliland Cali Maxmaed Warancade  ayaa labadda xisbi mucaarid ee UCID iyo Waddani uga digay shirwaynaha qaran ee ay qabashadiisa ku dhawaaqeen, isla markaana ay qaban-qaabadiisa iyo qabashadiisaba kala wareegeen madasha wada-tashiga iyo toosinta qaranka oo iyagu axsaabta ka hor iclaamiyey shirkaas. Wasiirka Daakhiliga Warancade waxa uu sheegay inaanay xukuumad ahaan marnaba aqbali doonin shirkaas xisbiyada mucaaridku ku dhawaaqeen qabashadiisa, kaas oo baaq u diray axsaabta oo uu ugu baaqay inay ka waantoobaan arintaas, waxaanu xusay in shirwaynaha ay ku dhawaaqeen inaanay xaq u lahayn oo uu shirwaynaha qaran ee loo baahdo uu xaq distuuri ah u leeyahay Madaxwaynaha Somaliland Axmed Maxamed Maxamuud (Siilaanyo). Wasiir Cali Warancade waxa uu sidaas ku sheegay shir-jaraa’id oo uu shalay galinkii danbe xafiiskiisa ku qabtay,  kaas oo kaga hadlayey dareenka xukuumadu ka qabto shirwaynaha qaran ee ay xisbiyadda UCID iyo Waddani ku dhawaaqeen, isaga oo arimahaas ka

  • Written by Abdullahi
  • Category: Wararka
  • Hits: 366

Subcategories

 
 

 

Google+